06-ప్రియుడా నా చెలికాడా

నువ్వు
పెదవులు మెళ్లిగా కదిలిస్తూ 
ఏమని ప్రార్ధిస్తున్నావో నాకు వినాలని
కోరిక

స్.స్.స్ అని చిన్నశబ్ధంతో 
నువ్వు చేసే ప్రార్ధన నేను విన్నప్పుడు
అర్ధం చేసుకోలేని దైవబాషేదో
నువ్వు ఉచ్చరిస్తున్నట్టుంటుంది

పెదవులు దాటి బయటికొచ్చి
గాలి మోసుకెల్లే కొన్ని ప్రార్ధనా పదాలు
సాంబ్రాణి పొగలా నన్ను చుట్టుకుని స్పృశించి వెళ్తూ
నీ ఆశీర్వాదంలో భాగం చేస్తాయి

నీతో స్వరం కలిపి ఆరాధన చేస్తున్నప్పుడు
ఏన్గెదీ ద్రాక్షావనములోని కర్పూరపు పూగుత్తులతో
సమానమైన దైవ కుమారుడు మనల్ని హత్తుకున్నట్టు
ప్రేమగా ముద్దాడుతున్నట్టుంటుంది

త్వరలో మేఘారూడుడై వచ్చే ఆయన్ని
ఎదుర్కొనేందుకు
చెలికాడా .. నీతో పాటు నేను కూడా సిద్ధమే
---------(10/3/2014)-----